Bison Pudaite leh Lalhlimpuii te fa pali (4) zinga 3-na 

Lalremruata (Rema) hi kum 1985 July ni 7 khan Chhinga Veng ah a lo piang a, a pianpui unaute chu:

1. Lalmuanpuia - Chhinga Veng
2. Lalthanmawia H/o Jenny Lalthlamuani - Chhinga Veng
3. Lalremruata H/o F. Lalrindiki - Chhinga Veng
4. Lalnunmawia H/o JK. Lalbiaknii - Chhinga Veng
te an ni.
F. Lalrindiki (Tuikual South) nen ni 8.3.2012 khan Chhinga Veng Presbyterian Kohhran Hall ah an innei a. Nupa hlim thei tak leh inkawmngeih tak niin fa erawh chu an la nei lo a ni.

ZIRNA LAMAH LEH EIZAWNNA LAMAH:

Zirna lamah chuan a tluang hle a. Matric hi 2nd Division ah a pass a, Higher Secondary hi kum 2004 ah pass leh in, Pachhunga University College atangin B.A tha takin a zo leh a ni. Hemi hnuah hian Diploma in Computer Application pawh April ni 5.2010 khan Grade-’A’ hmuin a zo leh bawk a ni.
Sawrkarah te pawh hna te han zawng mahse eizawnna lamah hian sumdawnna lamah a tui zawk hle a, dawr te siam ve in a hlim thin hle a, amaherawhchu, inchhungkhur enkawl tulna avangin dawr hi ti tawpin in lamah a hun a hmang chho ta zawk a ni.
Amah hi mi nungchang tha tak leh inthlahrung thei mi tak a ni a. Chhungte ngaipawimawh thin mi tak niin, damlohna thilah pawh midang buaipuia tlawmngai leh zuanzang ber a ni thin.


A NAT DAN:

Tun Kum 2017 January thla laihawl lamah khan insawiselna nei tanin Doctor te kan pan a. Ziaawm lam a pan theih loh avangin ni 29.1.2017 (Pathianni) khan Greenwood Hospitalah dahluh nghal a ni a. Investigation hrang hrangte ti nghal in a natna pawh hmuhchhuah a ni a. Treatment a tul ang ang te la in Doctorten theihtawp chhuahin an enkawl a. Amah hi mi tuarchhel tak leh inthlahrung mi tak anih angin amah kan tute pawh hlim takin a lo chhawn thin a. Amaherawhchu, ni 26.2.2017(Pathianni) atang khan zual lam panin a tlahniam hret hret a Thatlam pan aia a tlakhniam zel avang leh beiseina dang kan neih avangin New Life Hospital-ah ni 27.2.2017 (Thawhtanni) chawhma khan sawn phei a ni a. New Life Hospital-a Doctorten Investigation te ti tha lehin a kal thlengin a lo nghawng tawh tih hmuhchhuah a ni a, hemi hnu hian I.C.U ah dah lutin ni 1.3.2017 zing dar 2:30 khan natna leh hrehawmna tuar tawh lo turin Lalpa hnenah a chawl ta a ni.